1897
Den 1. Mee 1897 gouf d’Fanfare Wellenstein gegrënnt.
1900
Déi nach jonk Musek huet an dësem Joer hier éischt Optrëtter.
1922
Dëst Joer ass d’Fanfare Wellenstein 25 Joer al ginn.
1947
D’Fanfare Wellenstein gëtt 50 Joer al an gëtt sech en neien Start ënnert hirem neien President dem Schneider Nik. D’Feierlechkeeten zum 50ten Anniversaire waren awer net grouss well d’Leed vum Krich nach vill ze grouss war.
1948
Aus der Fanfare Wellenstein gëtt d’Société de musique et sapeurs-pompiers Wellenstein. Ab elo dierf d’Musek och beim Fakelzuch beim groussherzoglechen Gebuertsdag vir mat marschéieren an organiséieren all Joers frou Wäin- an Drauwefester, déi all Joer vill Visiteuren an eist Duerf lackelen. D’Musek leet ab 1948 och musikalesch den traditionnellen Proufdag an der Genossenschaftskellerei an. Si gëtt och den Optakt vun der St. Anna Kiermes zu Welleschten mam Hämmelsmarsch a si begleet d’Bech-Maacher Leit, déi an enger Prozessioun bei d’Willibrordstatue ginn, fir en gudden Wäin ze bieden.
1972
D’Société de musique et sapeurs-pompiers Wellenstein feieren hier 75 Joer an dat den 29ten an 30ten Juli op der Welleschter Kiermes.
1982
D’Musek an d’Pompjee hunn sech getrennt an aus der Société de musique et sapeurs-pompiers Wellenstein gëtt d’Fanfare Wellenstein. Ab dësem Joer geet d’Musek mam Willibrordsveräin zesummen ob d’Sprangprëssessioun op Iechternach.
1992
De Serge Schoentgen hält als Dirigent vun der Fanfare Wellenstein op a gëtt d’Direktioun weider un de Romain Asselborn.
1993
Den Roby Krier-Heinitz hält als President vun der Fanfare Wellenstein ob an gëtt d’Verantwortung weider un den Vic. Risch-Schintgen als neien President vun der Fanfare Wellenstein.
1996
Aus der Fanfare Wellenstein gëtt d’Welleschter Musek.
1997
D’Welleschter Musek feiert hiren 100ten Anniversaire.
2013
De Vic. Risch-Schintgen hält als President vun der Welleschter Musek op a gëtt d’Verantwortung weider un d‘ Véronique Vandendries als nei Presidentin vun der Welleschter Musek.
2016
No bal 25 Joer hält de Romain Asselborn als Dirigent vun der Welleschter Musek op a gëtt d’Direktioun weider un den Norbert Schmitz.
2017
Dëst Joer feiert d’Welleschter Musek 120 Joer. Den Norbert Schmitz hält als Dirigent vun der Welleschter Musek op a gëtt d’Direktioun weider un den Serge Parisi.
